2016年6月5日 星期日

是時候換上「富人的腦袋」




窮人與富人思想上的分別

一、自我認知。
窮人好少諗如何去賺錢及點樣才能賺到錢,好聽D係「安貧樂道」,唔好聽係「不思進取」。
富人天生強烈賺錢欲,會想盡一切辦法去致富。

二、休閒。
窮人認為「食少多覺瞓」,寧願花時間睇《大長今》,仲要加入《大長今》熱去吃韓菜。
富人冇興趣睇肥皂劇,只會動腦筋《大長今》熱中賺一筆。

三、交際。
窮人喜歡同窮人做朋友,心理上排斥有錢朋友,唔係有錢朋友睇唔起佢,而係自卑心作怪,結果只研究邊度有廉價套餐、邊間百貨公司大減價……。
富人交際往往研究股市點睇、匯市點睇、樓市點睇、邊處有錢搵。結果窮人只知邊度有廉價套餐邊處大減價,富人卻知道邊度有錢搵。

四、學習。
窮人學手藝,以便一技旁身天下通行;
富人學投資,懂得錢搵錢。

五、時間。
窮人嘅時間唔值錢,可以跑遍港九新界去買廉價貨慳番幾十蚊,但浪費咗一整天時間。
富人嘅閑,閑在身體,例如打高爾夫球其實係傾緊生意,腦袋冇一刻停過;窮人嘅閑,閑在思想,忙着去麻將桌上摸幾把或研究馬經。

六、金錢態度。
窮人經濟觀係節省,勤與儉,慳得一萬就係一萬,甚至投資亦離唔開「雞生蛋」理論。例如我老曹2002年叫人買金,唔少人回答冇息收,佢地估唔到金價三年升值 50%(由二百八十美元升至四百二十美元),而斤斤計較雞會否生蛋。幾多股份雖然冇息派,但一年股價上升100%,窮人一聽到冇息派已冇晒興趣。

七、激情與感情。
窮人只有感情,聽完新馬師曾唱《萬惡淫為首》便流淚兼捐錢,感情太豐富兼有代入感,好易受感動。富人卻不易受感動,例如1989年六四事件居然認為滿街鮮血係入市時機。

八、自信與自卑。
窮人自卑,有D錢便穿名牌戴名錶揸名車才能增加自信,十分介意人地點睇自己。
富人自信而不自卑。李實發係典型例子,藍色西裝十年如一日,戴精工表,飲自己公司屈臣氏售賣嘅廉價紅酒……。以前郭得勝又係另一例子,永遠坐日本車,因為慳油……。呢份自信令佢地喺光景不佳時唔悲觀,喺繁榮期亦只謹慎樂觀;反之,窮人喺繁榮期亂花錢,喺衰退期呼天搶地。

九、習慣。
有個富人見自己親戚太窮,送咗一隻牛畀佢。窮人滿心歡喜,但諗到牛要食草,結果將牛賣掉,買D雞嚟養希望生蛋,結果幾天劏一隻雞嚟食,一年後富人去探望佢,佢依然故我仍然係窮人一名;窮人嘅習慣今朝有酒今朝醉。
原來富人自己年輕時亦冇錢,辛辛苦苦儲錢買隻牛,然後到處帶隻牛去食草揸奶賣,賺到錢便買羊生羊仔賣錢,然後開農場,最後變得富有。富人以為送隻牛畀親戚可令其發達,但唔明白窮親戚未養成儲蓄與投資習慣,每年送佢一隻牛亦無法脫貧。

十、上網。
窮人上網搵娛樂,富人上網搵投資機會。結果窮人愈上網愈窮,富人愈上網愈富。

原文取自:http://money.softbath.net/stock/articles/poor_and_rich.htm

--------------------------

曹Sir對富人與窮人分別的分析十分到位,簡單而生動地說出了富人與窮人最大的分別,是在思想上,引致在行動上都出現很大的不同。

相信人人都想做富人,第一步要先要換上一個全新的「富人腦袋」,想富人所想的,做富人所做的,相信思想上的轉變,會帶來真正的改變。

「富人的腦袋」:
1. 富人天生強烈賺錢欲,會想盡一切辦法去致富。
2. 富人把握每個搵錢機會。
3. 富人交際往往研究股市點睇、匯市點睇、樓市點睇、邊處有錢搵。
4. 富人學投資,懂得錢搵錢。
5. 富人嘅閑,閑在身體,例如打高爾夫球其實係傾緊生意,腦袋冇一刻停過。
6. 富人不會斤斤計較,只要有錢搵,便要把握。
7. 富人卻不易受感動,理性分析,例如1989年六四事件居然認為滿街鮮血係入市時機。
8. 富人自信而不自卑,不用爭著show off。
9. 富人養成儲蓄與投資習慣,富人養雞生蛋,蛋再養成雞,更多雞生更多蛋,生生不息,不會隨便殺雞。
10. 富人上網搵投資機會。

你準備好換上「富人的腦袋」?

14 則留言:

  1. 有時, 都好睇天生個人性格, 不是人人都可以隨時做到呢.

    回覆刪除
    回覆
    1. 是的, 不是人人都隨時做到, 同鍛煉身體一樣, 都係要刻意去做, 慢慢變成習慣。 :)

      刪除
  2. 我相信不少人在看完這10個想法分別後,都不會有想改變的念頭...明明每一個人都想做有錢人,那就應該去做有錢人會做的事,而不是找一大堆藉口來逃避。

    回覆刪除
    回覆
    1. 雲地兄,是的, 改變可以很易, 亦可以很困難, 重點要看自己的抉擇。 :)

      刪除
  3. 很好,富腦袋然後把它們慢慢變爲自己的行爲習慣

    回覆刪除
    回覆
    1. 是的, 富足兄, 不能一步登天, 要慢慢學習,實踐, 變成習慣。

      刪除
  4. 謝謝80後兄的分享!但我相信社會上大部分人的思維,都在富人腦袋與窮人腦袋之間不斷游走。其實只要keep住進步便可,畢竟很難做到100%完美呢=)

    回覆刪除
    回覆
    1. 多謝cherry ^^。 是的, 魔鬼要你使多啲費, 天使要你儲多點錢, 天使與魔鬼的聲音時常在我們心中。

      刪除
    2. 多謝cherry ^^。 是的, 魔鬼要你使多啲費, 天使要你儲多點錢, 天使與魔鬼的聲音時常在我們心中。

      刪除
  5. 回覆
    1. 價兄, 是的, 一些能夠富起來的人, 總有一些東西值得我們學習!

      刪除
  6. 好多人講運氣, 人地好就話佢好彩, 自己唔好行衰運, 其實邊有運氣講, 係閣上行為所修出來正果或負果!

    回覆刪除
    回覆
    1. 是的, 很多事情, 運氣都佔重要的部分, 但自己不努力, 有運氣都未必把握到。

      刪除
  7. 好多人講運氣, 人地好就話佢好彩, 自己唔好行衰運, 其實邊有運氣講, 係閣上行為所修出來正果或負果!

    回覆刪除