財務自由是我們的目標?
馬雲說得好，打工仔，要想未來得到更多的保障，正如我書中說到，不可單靠或幻想公司會給你什麼的保障，靠的是自己知識和能力的提升。
學習投資也是一個靠自己的致富的方法，當中需要財務知識(財商)和投資方法(價值投資)的幫助，這樣可以令自己更易成功，常常見到容易失敗的例子是過於自信和太過急功近利。
世界上有兩種容易失敗的人，一種是無知的人，另一種是不知道自己無知的人。股票市場比我們每一個的想像都要複雜，存在很多未知性和不確定性，用傳統跟人炒熱門股，短炒進出等等都是容易出事的行為。相反，有紀律的投資者會選擇悶股，有一些不顯眼的股票其實長遠才更有效為我們的股票增值。
在香港，我其中一位非常欣賞的基金經理劉國傑的基金在過去一段長時間也遠遠跑贏大市，原因是倉中也有不少別人眼中的悶股如公用股和維他奶等等，令他的基金在大跌市時，比同業的跌幅更少，投資是避免擊出太多的失誤球，長遠回報自己會理想起來，這也是我常說: 投資不需要華麗的操作，不需要跳過九呎高的牆，也可得到滿意的回報。
說回現實，即使我們多麽不願去打工，罵公司多多的不濟，我們還是要努力去打水(正如我新書分享會所說)，但長遠我們與別人分別的關鍵是----我們是否有花時間和努力去打造自己的管道(被動收入)呢。
作者:標竿投資
雪球: https://xueqiu.com/3302791356/column
你好，標竿兄，我已接觸價值投資＆財務自由這些概念多年。
回覆刪除有一些愚見想分享，在初初接觸這些概念＆知識時，個人得到好大既啟發，而且也以財務自由為目標努力，個人本身亦因此有成長，但當時會有一個想法：如何達到財務自由＆如何以最短既時間達到，之後就諗 我做咩工 先可以盡快達到財務自由呢，但當了解愈深既時候，就發現 其實 只要方向正確，財務自己就只是時間既問題，那邁向財務自由之路，即過程就好重要，所以，我認為唔應該視財務自由為目標，它只是一個狀態，只是一個中轉站，令我地唔需再為財務而擔憂，可以有更多時間，做自己鍾意，想做既，有意義既事情，而呢啲事情，先係重點，係我們人生既目標，先係活著既意義。如果一個人視財務自由為目標而努力，咁係好虛無，財務自由只係個狀態，當你達到，咁之後呢？就好似有啲人視結婚為人生目標，結婚都係States 既一種，重點係內容，邊個係你既另一半係更重要，你地當中由拍拖到結婚既過程先係重點，為結婚States 做目標既話，唔需要做啲咩，求其搵個人都可以，但開心咩？又或者咁講，如果大家搵到個個Mr.right一齊行落去，有冇結婚又有咩咁重要？ 所以我地唔應視財務自由為目標 。
又或者可以咁講， 好似禪語中「見山是山，見山不是山，見山還是山」譬喻說就如人的思考會經過三個不同階段。
1. 最初我地未有財務自由既概念時候，我地就如第一個階段 見山是山既境界，我地人生都有目標，e.g. 退休之後 開一間自己喜歡既鋪頭 。
2. 之後 我地有了財務自由＆正確投資既概念，就開始去到第二個階段 見山不是山，我地既目標就好容易變左係為左 財務自由，我唔係講咁樣係唔岩，如果一些人本身未搵到人生有咩想做既時候，財務自由的確係一個俾人奮鬥既原因，但唔可以因為有左財務自由呢個目標，就忘記左 去尋找人生真正既目標，當你未搵到既時候可以既，到你搵到咪事半功倍。但千萬唔好因追求未來財務自由，而失去現在擁有既東西，「沒有人生活在過去，也沒有人生活在未來，現在是生命確實佔有的唯一形態」by Arthur Schopenhauer.
3. 去到第三個階段 見山還是山，我地有左財務自由既概念，應反璞歸真，應視開一間自己喜歡既鋪頭為目標（上面例子），財務自由只係狀態，令我地可以撇除財務上既憂慮，做我地鍾意做既野，當財務自由已經融入左意識既時候，我地既行為已經自自然然會除意識去做，唔洗刻意同自己講我要財務自由，視財務自由為目標，反正都係時間問題，所以做每個決定唔應該考慮會否影響財務自由（當然唔係極端例子）應該要懂得活在當下，enjoy the moment ，不然 財務自由只會失去其意義。
不好意思，文筆唔好，不要見怪。
你說的很有智慧，我很同意。
回覆刪除不珍惜或不知道自己最終想要什麼的，一直在窮賺財富，是不會快樂的！
謝謝你的提醒！
感謝你的認同, 平時在朋友圈根本沒有人會聽&明白,可能是年紀還少吧, 我不是在提醒, 亦知道這道理其實標竿兄明白的,標竿兄文章想帶出的,是給還在第一階段的人看的, 我只是借標竿兄既文章, 將我平時不能說的想法, 在網上尋找認同而已, thank you 標竿兄。
回覆刪除加油!
刪除第一個層次是: 明白 與 不明白。
第二個層次是: 明白了堅持去做 與 不明白不做 或 明白了也不堅持去做。
希望我們都是第二層次的前方那種人 堅之以恆!